Ərdoğan: Cənub Qaz Dəhlizi sayəsində Türk Dövlətləri Avropanın enerji təhlükəsizliyində əsas rol oynayır

Bu günə qədər Xəzər hövzəsində Türk dünyası ölkələri ilə neft, təbii qaz və elektrik sahəsində layihələr həyata keçirdik.
Xəbər15 məlumat verir ki, bunu Türkiyə Prezidenti Rəcəb Tayyib Ərdoğan Ankarada keçirilən Türk Dövlətləri Təşkilatının Fövqəladə Zirvə görüşündə çıxışı zamanı deyib.
“Bakı-Tbilisi-Ceyhan neft boru kəməri 16 ildir Azərbaycan, Türkmənistan və Qazaxıstan neftini dünya bazarlarına fasiləsiz formada daşıyır. Əsas sütunu TANAP olan Cənub Qaz Dəhlizi sayəsində Türk Dövlətləri Avropanın enerji təhlükəsizliyində əsas rol oynayır”, – deyə Türkiyə Prezidenti vurğulayıb.