Azərbaycanda yaradılacaq “yaşıl enerji”nin əhəmiyyətli hissəsi Türkiyə və Avropa istiqamətində ixrac edilə bilər

Azərbaycanda yaradılacaq “yaşıl güc”lərin əhəmiyyətli bir hissəsi Türkiyə və Avropa istiqamətində ixrac edilə bilər.

Xəbər15 məlumat verir ki, bu sözləri energetika nazirinin müavini Elnur Soltanov aprelin 2-də keçirilən “Azərbaycan-ABŞ Yaşıl Enerji Forumu”nda deyib.

Nazir müavini bildirib ki, Prezident İlham Əliyevin müxtəlif enerji mənbələrinin inkişafı üçün doğru zaman seçimi, uzaqgörən siyasi qərar və qətiyyətli addımlarının ardıcıllığı, bir-birini tamamlaması nəinki özümüzün, eyni zamanda, tərəfdaşlarımızın enerji təhlükəsizliyinə töhfə verir və “yaşıl enerji”yə problemsiz keçidə təminat yaradır.

Çıxışda, həmçinin Naxçıvanın zəngin günəş enerjisi potensialı, “yaşıl enerji” mərkəzinə çevrilməsi və burada 1500 MVt gücündə xarici investisiya layihələri ilə bağlı planlar haqqında danışılıb. Ümumilikdə ölkə üzrə yaradılacaq yaşıl güclərin əhəmiyyətli bir hissəsinin Türkiyə və Avropa istiqamətində ixrac edilə biləcəyi qeyd edilib.