Azərbaycan güləşçisi Avropa çempionatında finalda Türkiyə təmsilçisi ilə qarşılaşacaq

Xorvatiyanın paytaxtı Zaqrebdə güləş üzrə Avropa çempionatı start götürüb.

Xəbər15 məlumat verir ki, yarışın ilk günündə 5 çəki dərəcəsində sərbəst güləşçilər mübarizə aparıblar.

Yarışa dörddəbir finaldan qoşulan Azərbaycan təmsilçisi Əliabbas Rzazadə (57 kq) almaniyalı Horst Lerə “tuş”la qalib gəlib. Pəhləvanımız yarımfinalda italiyalı Simyone Piroddu ilə qarşılaşıb. Gərgin keçən görüşdə 12:8 hesablı qələbə əldə edən Ə.Rzazadə finala yüksəlib. Təmsilçimiz həlledici görüşdə türkiyəli Süleyman Atlıyla üz-üzə gələcək.