Azərbaycan-Türkiyə Enerji Forumu Naxçıvanda keçiriləcək

Sentyabrın 28-29-da Naxçıvan Muxtar Respublikasında Azərbaycan-Türkiyə 3-cü Enerji Forumu keçiriləcək.

Xəbər15-in məlumatına görə, tədbiri Azərbaycanın Energetika Nazirliyi təşkil edəcək.

Artıq qurum bununla bağlı hazırlıqlara başlayıb. Azərbaycan-Türkiyə Enerji Forumu iki ölkə arasında iqtisadi əməkdaşlıq üzrə birgə Hökumətlərarası Komissiya çərçivəsində strateji enerji əməkdaşlığının daha da möhkəmləndirilməsi məqsədilə təsis edilib.

Xatırladaq ki, Azərbaycan-Türkiyə 1-ci Enerji Forumu 21-22 dekabr 2021-ci il tarixində Bakıda, 2-ci forum isə 5-6 oktyabr 2022-ci il tarixində Türkiyənin İstanbul şəhərində keçirilib.