Azərbaycan, Türkiyə və Gürcüstanla imzalanmış sənədlər nəticəsində Orta dəhlizlə 2 milyon ton yük daşınacaq

Azərbaycan, Türkiyə və Gürcüstanla imzalanmış yol xəritələrinin icrası sayəsində bu il Transxəzər Beynəlxalq Nəqliyyat Marşrutu ilə (Orta dəhliz) 2 milyon ton yük daşınacaq.

Xəbər15 “TASS”a istinadla məlumat verir ki, bu barədə Qazaxıstanın Baş naziri Əlixan Smailov deyib.

Baş nazir qeyd edib ki, ötən il Orta dəhlizlə daşınan yüklərin həcmi 2 dəfə artaraq 1,7 milyon tona çatıb. Eyni zamanda, Azərbaycan, Türkiyə və Gürcüstanla imzalanmış yol xəritələrinin icrası sayəsində bu il 2 milyon ton yük daşınacaq. 2025-ci ilə qədər isə marşrutun ötürücülük qabiliyyəti 10 milyon tona çatacaq.