Azərbaycan Türkiyəyə qaz ixrac edən ölkələr arasında ikinci yerdə qərarlaşıb

Bu ilin yanvar ayında Türkiyə Azərbaycandan 881,85 milyon kubmetr qaz idxal edib ki, bu da illik müqayisədə 10,7 faiz çoxdur.

Xəbər15 Türkiyənin Enerji Bazarı Tənzimləmə İdarəsinə (EPDK) istinadla məlumata verir ki, 2022-ci ilin yanvar aylarında Türkiyə Azərbaycandan 796,32 milyon kubmetr qaz idxal edib.

Məlumata görə, hesabat dövründə Azərbaycan Türkiyənin ümumi qaz idxalında Rusiyadan sonra (2 milyard 144,03 milyon kubmetr) ikinci yerdə qərarlaşıb, üçüncü pillədə isə Əlcəzair (763,81 milyon kubmetr) yer alıb.