Azərbaycan və Türkiyə rəssamları Özbəkistanda festivala qatılıb

Özbəkistanda Beynəlxalq Təsviri və Tətbiqi Sənət Festivalı keçirilib.

Xəbər15 məlumat verir ki, Kəmaləddin Behzad adına Özbəkistan Rəssamlıq Akademiyası və Beynəlxalq Türk Mədəniyyəti Təşkilatı – TÜRKSOY-un birgə təşkil etdiyi festivalda Azərbaycan, Qazaxıstan, Qırğızıstan, Türkiyə, Türkmənistan, eləcə də Macarıstan, Cənubi Koreya, Rusiya, Belarus və digər ölkələrdən rəssamlar iştirak ediblər.

Festival çərçivəsində Daşkənddə iştirakçı rəssamların əsərlərindən ibarət sərgi açılıb.

Həmçinin Türk dünyası rəssamlarının toplantısı keçirilib. Toplantıda Türk Dünyası Rəssamlıq Akademiyasının təsis olunması barədə qərar qəbul edilib.

Tədbirdə rəssamlara TÜRKSOY-un sertifikatları və Özbəkistan Rəssamlıq Akademiyasının mükafatları təqdim olunub.