Azərbaycan və Türkiyədən olan uşaqlar “Dostluğun sehri” adlı rəsm müsabiqəsinə qatılıb

Elm və Təhsil Nazirliyinin dəstəyi və 3 nömrəli Uşaq-Gənclər İnkişaf Mərkəzinin təşkilatçılığı ilə “Nağıllar” mövzusunda “Dostluğun sehri” adlı beynəlxalq onlayn uşaq rəsm müsabiqəsi keçirilib.

Xəbər15 məlumat verir ki, müsabiqəyə Azərbaycanla yanaşı, Türkiyə, Çin, Misir, Birləşmiş Ərəb Əmirlikləri, Türkmənistan və Belarusun 108 məktəb, müəssisə və təşkilatından 1459 rəsm işi təqdim olunub. 6-17 yaşlı uşaqlar çəkdikləri bir-birindən maraqlı, rəngarəng rəsmlərdə nağıl mövzusunu əks etdiriblər.

Peşəkar rəssam və mütəxəssislərdən təşkil olunan münsiflər heyəti tərəfindən 150 rəsm işi seçilib.

Müsabiqədə qalib seçilən rəsm işlərinin sərgisi və təltifetmə mərasimi keçirilib.