“Azərbaycan Xəzər Dəniz Gəmiçiliyi”nin Türkiyəyə göndərdiyi çadırlar quraşdırılıb

Prezident İlham Əliyevin tapşırığına uyğun olaraq, “Azərbaycan Xəzər Dəniz Gəmiçiliyi” QSC-nin (ASCO) qardaş ölkə Türkiyədə baş vermiş və çoxsaylı insan tələfatına səbəb olmuş zəlzələdən zərərçəkənlərə dəstək üçün göndərilən çadırları artıq quraşdırılıb.

Xəbər15 ASCO-ya istinadla məlumat verir ki, 100 ədəd çadır Hatay şəhərinin Arsuz bölgəsində “Expo 21” sərgi mərkəzinin önündə yerləşdirilib.

Çadırların quraşdırılması ilə bağlı ASCO-nun Türkiyə nümayəndəliyinin əməkdaşları Arsuzun səlahiyyətli nümayəndəsi Hasan Gökpınar ile görüşüblər və yardımlar barədə ona məlumat veriblər.

ASCO ailəsi faciə ilə əlaqədar  Türkiyə dövlətinə və xalqına, o cümlədən həlak olanların ailələrinə və yaxınlarına dərin hüznlə başsağlığı verir, yaralananlara şəfa diləyir, zəlzələnin nəticələrinin qısa zamanda aradan qalxmasını arzulayır.