Azərbaycandakı Türkiyə vətəndaşlarının ikinci tur prezident seçkiləri üzrə səsverməsi keçirilir

Azərbaycanda yaşayan və işləyən Türkiyə vətəndaşlarının qardaş ölkədə mayın 28-də keçiriləcək prezident seçkilərinin ikinci turu üzrə səsverməsi başlayıb.

Xəbər15 məlumat verir ki, yerli vaxtla səhər saat 08:00-dan etibarən seçki məntəqələri açılıb.

Türkiyənin Azərbaycandakı səfirliyində yerləşən seçki məntəqəsində ilk səsverənlərdən biri səfir Cahit Bağçı olub.

“İkinci turda səs verdik. Ölkəmiz və millətimiz üçün xeyirli olmasını arzulayıram”, – deyə C.Bağçı bildirib.

Qeyd edək ki, səsvermə Türkiyənin Bakıdakı səfirliyinin, eləcə də Gəncə və Naxçıvandakı Baş konsulluqlarının binasında keçirilir.