Azərbaycanın xam neft ixrac etdiyi ölkələr sırasında Türkiyə yeddinci yerdədir

Cari ilin yanvar-fevral aylarında Azərbaycanın bitumlu süxurlardan alınmış xam neft və xam neft məhsullarını ixrac etdiyi ölkələr sırasında Türkiyə yeddinci yerdə qərarlaşıb.

Dövlət Gömrük Komitəsindən Xəbər15-ə məlumat verilib ki, ilk üçlükdə İtaliya, İsrail və İspaniya qərarlaşıb.

İki ayda Türkiyəyə ixrac olunan bitumlu süxurlardan alınmış xam neft və xam neft məhsullarının həcmi 253 min 528 ton, dəyəri isə 151 milyon 873 min ABŞ dollarıdır.