AZAL-dan qadınlara İstanbul, Antalya və digər şəhərlər üçün güzəştli aviabiletlər

8 mart – Beynəlxalq Qadınlar Günü münasibətilə “Azərbaycan Hava Yolları” bəşəriyyətin zərif yarısının nümayəndələri üçün Bakıdan məşhur istiqamətlər üzrə aviabiletlərə 30 faiz güzəşt elan edib.

Aviaşirkətdən Xəbər15-ə bildirilib ki, aviabiletləri martın 6-dan 8-dək aviaşirkətin 13 marşrutu (gediş-gəliş) üzrə güzəştlə əldə etmək mümkündür. Aksiya çərçivəsində aviabiletlər martın 28-dən –aprelin 20-dək olan uçuşlara şamil edilir.

Belə ki, Bakıdan aşağıdakı şəhərlər üzrə uçuşlara 30 faiz güzəşt tətbiq olunur: Milan, London, Praqa, Berlin, Dubay, İstanbul, Antalya, Moskva (“Domodedovo” və “Vnukovo” hava limanları), Sankt-Peterburq, Novosibirsk, Yekaterinburq, Astana, Almatı.

Sözügedən reyslərə aviabiletləri aviaşirkətin kassalarından və akkreditə olunmuş agentliklərindən, həmçinin callcenter@azal.az elektron poçtu vasitəsilə Çağrı mərkəzinə müraciət etməklə əldə etmək olar.

Qarşıdan gələn Beynəlxalq Qadınlar Günü münasibətilə AZAL bütün xanımları təbrik edir və onlara xoşbəxtlik, firavanlıq və gözəl əhval-ruhiyyə, həmçinin aviaşirkətlə maraqlı səyahətlər arzulayır.