Bakıdakı Türk Şəhidliyində Çanaqqala Zəfəri anılıb

Bu gün Bakıda Türk Şəhidliyində 18 Mart Çanaqqala Şəhidləri Günü və Çanaqqala Zəfərinin 108-ci ildönümü münasibəti ilə anım mərasimi keçirilib.

Türkiyənin Azərbaycandakı səfirliyindən Xəbər15-ə bildirilib ki, mərasimdə səfirliyin nümayəndələri və bir sıra rəsmi şəxslər iştirak edib.

Mərasimin açılışında Çanaqqala qurbanları yad edilib, Azərbaycan və Türkiyənin Dövlət Himnləri səsləndirilib.

Tədbir iştirakçıları Türk Şəhidliyindəki xatirə abidəsinin qarşısına əklillər qoyub.

Mərasim Şəhidlər xiyabanını ziyarətlə başa çatıb.