“Beşiktaş” Azərbaycanda yoldaşlıq görüşü keçirəcək

Türkiyənin “Beşiktaş” klubu Azərbaycanda yoldaşlıq görüşü keçirəcək.

Xəbər15 “Sabah” nəşrinə istinadla məlumat verir ki, İstanbul təmsilçisi zəlzələdən əziyyət çəkənlərə yardım məqsədilə iki ölkədə yoldaşlıq görüşü təşkil edəcək. “Ağ-qaralar” əvvəlcə bu ay milli komandaların oyunları ilə əlaqədar yaranacaq fasilə zamanı Almaniya təmsilçilərindən biri ilə üz-üzə gələcək. Hazırda Mönxenqladbax “Borussiya”sı və “Leyptsiq”lə danışıq aparılır.

Şenol Günəşin yetirmələri Super Liqanın bu mövsümkü təqviminə əsasən istirahət edəcəyi müddətdə – aprelin 9-30-da isə Azərbaycana səfər edəcək və Azərbaycanda bir yerli klubla xeyriyyə xarakterli yoldaşlıq matçı keçirəcək.