Birinci rübdə Bursadan Azərbaycana məhsul ixracı 9 faiz artıb

Cari ilin yanvar-mart aylarında Türkiyənin Bursa şəhərindən Azərbaycana 16 milyon 589 min ABŞ dolları dəyərində məhsul ixrac olunub.

Xəbər15 məlumat verir ki, bu, ötən ilin müvafiq dövrünə nisbətən 9,1 faiz artım deməkdir.

Həmçinin mart ayında Bursadan ölkəmizə 7 milyon 79 min dollarlıq məhsul ixrac edilib ki, bu da keçən ilin analoji dövrü müqayisədə 27 faiz çoxdur.