Bu ay Bakı-Tbilisi-Ceyhan ilə 125 min ton Qazaxıstan neftinin nəqli planlaşdırılır

Bu ay Bakı-Tbilisi-Ceyhan ilə 125 min ton Qazaxıstan neftinin nəqli planlaşdırılır.

Energetika Nazirliyindən Xəbər15-ə bildirilib ki, bu fikirləri energetika naziri Pərviz Şahbazov Bakıda keçirilən Azərbaycan Respublikası və Qazaxıstan Respublikası arasında ticarət-iqtisadi əməkdaşlıq üzrə Birgə Hökumətlərarası Komissiyanın 19-cu iclasında deyib.

Nazir energetika sahəsində əməkdaşlığın inkişafından danışarkən deyib: “Ötən il “SOCAR” və “KazMunayQaz” şirkətləri arasında ildə 1,5 milyon ton Qazaxıstan mənşəli neftin nəqlinə dair imzalanmış 5 illik müqavilə enerji əməkdaşlığımızda mühüm irəliləyişdir. Cari ilin martından Bakı-Tbilisi-Ceyhan neft kəməri ilə Qazaxıstanın “Tengiz” yatağından hasil edilən neftin nəqlinə başlanılıb”.