DGK: İstanbul-Bakı aviareysi ilə qızıl-zinət əşyalarının gətirilməsi cəhdinin qarşısı alınıb

İstanbul-Bakı aviareysi ilə gələn Azərbaycan Respublikası vətəndaşı Heydər Əliyev Beynəlxalq Aeroportunun ərazisindəki gömrük zonasını “Yaşıl kanal” buraxılış sistemi vasitəsilə tərk edən zaman Hava Nəqliyyatında Baş Gömrük İdarəsinin əməkdaşı tərəfindən “Qırmızı kanal”a yönləndirilib.

Dövlət Gömrük Komitsənin (DGK) Mətbuat və İctimaiyyətlə Əlaqələr İdarəsindən Xəbər15-ə bildirilib ki, gömrük baxışı zamanı vətəndaşın əl çantasından, çəkisi təxminən 1104 qram olan xeyli dəyərdə qızıl-zinət əşyaları aşkarlanaraq gömrük rüsumlarının ödənilməsinə dəvət olunub.