Ermənistanda 25 təhsil müəssisəsində türk və Azərbaycan dilləri tədris olunur

Keçən ilin sentyabr ayından Ermənistanda 25 təhsil müəssisəsində fars, gürcü, türk və Azərbaycan dilləri tədris olunur.

Xəbər15 Ermənistan mətbuatına istinadla məlumat verir ki, bununla bağlı Ermənistanın elm, təhsil, mədəniyyət və idman naziri Janna Andreasyan deyib.

Nazir qeyd edib ki, bununla bağlı əvvəlcə məktəblər arasında sorğu keçirilib və 400-ə yaxın məktəb əsas türk dili olmaqla, bir sıra regional dillərin tədrisini dəstəkləyiblər.

“Dəstəkləyən bütün məktəblərdə bu dillərin tədrisi üçün hazırda kadr ehtiyatı yoxdur. Bunun üçün bizə zaman lazımdır”, – deyə Janna Andreasyan bildirib.