İordaniya ilə qarşılaşmada heyətimizə Türkiyə klublarından iki oyunçu cəlb olunacaq

AVRO-2024-ün seçmə mərhələsində Belçika, beynəlxalq yoldaşlıq oyununda İordaniya yığması ilə qarşılaşacaq Azərbaycan millisinin heyəti müəyyənləşib.

Xəbər15 AFFA-nın rəsmi saytına istinadən xəbər verir ki, baş məşqçi Canni De Byazi siyahıya 26 futbolçu salıb. Futbolçular sırasında Türkiyənin “Tuzlaspor” klubundan Bəxtiyar Həsənalızadə və “Umraniyespor” klubundan Coşqun Diniyev də var.

Qeyd edək ki, yığma sentyabrın 9-da Belçikanı, üç gün sonra isə İordaniyanı qəbul edəcək. Hər iki qarşılaşma “Dalğa Arena”da gerçəkləşəcək.