Macarıstanın “MOL” şirkəti Bakı-Tbilisi-Ceyhan ilə göndərilən Azərbaycan neftindən istifadəyə başlayıb

Macarıstanın “MOL” şirkəti Slovakiyanın paytaxtı Bratislavadakı neft emalı zavodunda (NEZ) müxtəlif növ yanacaq istehsalı üçün Azərbaycan neftindən istifadə etməyə başlayıb.

Xəbər15 şirkətin mətbuat xidmətinə istinadən məlumat verir ki, əvvəlcə neft dəniz yatağından Bakı yaxınlığındakı Səngəçal terminalına nəql edilib və oradan “MOL”un səhmdarından biri olduğu Bakı-Tbilisi-Ceyhan boru kəməri ilə Aralıq dənizindəki Türkiyə limanına vurulub.

“90 min ton xam neft Türkiyənin Ceyhan limanından Xorvatiyaya çatdırılıb və o, Adriatik boru kəməri ilə “MOL”un törəmə müəssisəsinin Slovakiyadakı NEZ-nə daşınacaq”, – Macarıstan şirkəti bildirib.