Nazir: Dörd ayda Azərbaycandan Türkiyəyə 3,4 milyard kubmetr qaz ixrac olunub

Yanvar-aprel aylarında qaz ixracı 10,5 faiz artaraq 8,4 milyard kubmetrə çatıb.

Xəbər15 məlumat verir ki, bunu energetika naziri Pərviz Şahbazov deyib. O bildirib ki, Avropaya 3,9 milyard kubmetr, Türkiyəyə 3,4 milyard kubmetr, Gürcüstana isə 1,1 milyard kubmetr qaz ixrac olunub.

“Bu dövrdə TANAP Türkiyəni 1,9 milyard kubmetr qazla təchiz edib”, – deyə nazir əlavə edib.