“Neftçinin 12 yaşadək futbolçuları “İzmir Cup” beynəlxalq turnirinə qatılacaq

“Neftçi” klubunun 12″ yaşadək futbolçulardan ibarət komandası aprelin 6-dan 9-dək İzmirdə keçiriləcək “İzmir Cup” beynəlxalq turnirində iştirak edəcək.

Xəbər15 Bakı təmsilçisinə istinadla məlumat verir ki, baş məşqçi Vaqif Əliyevin yetirmələri H qrupunda Türkiyənin “Beşiktaş”, “Giresunspor”, İzmir şəhərinin çempionu, İtaliyanın “Yuventus”, Almaniyanın “Şalke”, Fransanın “Mets”, Belçikanın “Vesterlo” və Rusiyanın “Zenit” klubları ilə mübarizə aparacaqlar.

Yetmiş iki komandanın mübarizə aparacağı turnirdə Türkiyənin “Qalatasaray” və “Fənərbağça” klubları ilə yanaşı, PSJ (Fransa), “Bavariya” (Almaniya), “Mançester Siti” (İngiltərə) və “Çelsi” (İngiltərə) kimi Avropa nəhəngləri də yarışacaq.