Pərviz Şahbazov: Bu il qaz ixracımızın 10,2 milyard kubmetrinin Türkiyəyə tədarükü nəzərdə tutulur

Bu il qaz ixracımızın 10,2 milyard kubmetrinin Türkiyəyə tədarükü nəzərdə tutulur.

Energetika Nazirliyindən Xəbər15-ə bildirilib ki,  bu sözləri energetika naziri Pərviz Şahbazov Macarıstanın paytaxtı Budapeşt şəhərində keçirilən Türk Dövlətləri Təşkilatının (TDT) enerji nazirlərinin üçüncü iclasında deyib.

Nazir qeyd edib ki, enerji əməkdaşlığının inkişafının əhəmiyyəti isə ölkələrimizin rifahı və Avrasiyada enerji təhlükəsizliyi aspektində dəyərləndirilib. Bildirilib ki, TANAP və TAP istismara veriləndən indiyə kimi Türkiyəyə 20,9 milyard kubmetr, Avropaya isə 22 milyard kubmetr Azərbaycan qazı tədarük edilib. Bu il 24,5 milyard kubmetr gözlənilən qaz ixracımızın 10,2 milyard kubmetrinin Türkiyəyə, 12 milyard kubmetrə yaxın həcmin isə Avropaya tədarükü nəzərdə tutulur.