“Qalatasaray” yoldaşlıq oyununda “Qarabağ”a qalib gəldi

“Qalatasaray” yoldaşlıq oyununda “Qarabağ”a qalib gəldi.

Xəbər15 məlumat verir ki, oyunun 4-cü dəqiqəsində İstanbul təmsilçisinin heyətində Bafetimbi Qomis fərqləndi. 18-ci dəqiqədə isə “köhlən atlar”ın heyətində Redon Cica tarazlığı bərpa etdi və ilk hissə 1:1 hesablı bərabərliklə başa çatdı.

Qarşılıqlı hücumlar şəraitində keçən ikinci hissənin 87-ci dəqiqəsində oyuna yenicə daxil olan “Qalatasaray”ın hücumçusu Mauro İkardiyə qarşı kobudluq qeydə alındı və 11 metrlik cərimə zərbəsi təyin olundu. İkardi cərimə zərbəsini dəqiqliklə yerinə yetirdi.

Beləliklə, qarşılaşma “Qalatasaray”ın 1:2 hesablı qələbəsi ilə başa çatdı.