Qazaxıstan 20 milyon ton neftini Bakı-Tbilisi-Ceyhan ilə ixrac edəcək

Qazaxıstan 20 milyon ton neftini Bakı-Tbilisi-Ceyhan (BTC) neft boru kəməri ilə ixrac etməyi qarşısına məqsəd qoyub.

Xəbər15 məlumat verir ki, bu sözləri Qazaxıstanın ticarət və inteqrasiya naziri Jumanqarin Serik Makaşeviç Azərbaycan-Qazaxıstan Hökumətlərarası Komissiyasının 19-cu iclasının sonunda jurnalistlərə müsahibəsində deyib.

O bildirib ki, BTC boru kəməri 40 faiz doludur və tranzit daşıma üçün 20 milyon ton həcm qalır.

“Cari ilin mart ayı ərzində BTC marşrutu ilə 20 min ton tranzit daşıma həyata keçirilib. Aprel ayı ərzində isə BTC ilə 125 min ton tranzit daşıma nəzərdə tutulub”, – deyə nazir vurğulayıb.