Rusiya və Türkiyə müdafiə nazirləri Qarabağ məsələsini müzakirə edib

Türkiyənin milli müdafiə naziri Hulusi Akar ilə rusiyalı həmkarı Sergey Şoyqu arasında telefon danışığı olub.

Xəbər15 Anadolu Agentliyinə istinadla məlumat verir ki, Nazirlər Ukraynadakı vəziyyəti, Qara dəniz dəhlizi ilə taxıl tədarükünü, eləcə də Suriya şimalındakı vəziyyəti müzakirə ediblər.

Hulusi Akar, həmçinin Türkiyədə baş verən dağıdıcı zəlzələlərlə bağlı Rusiya tərəfinə göstərdiyi dəstəyə və həmrəyliyə görə minnətdarlığını bildirib.

Rusiya Müdafiə Nazirliyi isə bildirib ki, nazirlər taxıl sövdələşməsini, Suriya və Qarabağ məsələsini müzakirə ediblər.