SOCAR-ın Türkiyədəki NEZ-i neft məhsullarının ixracını 11 dəfəyədək artırıb

Bu ilin yanvar ayında Türkiyənin Əliağa yarımadasında SOCAR tərəfindən inşa edilən “Star Rafineri” neft emalı zavodu (NEZ) 966 668,636 ton neft və neft məhsulları idxal edib ki, bu da illik müqayisədə 26 faiz çoxdur.

Xəbər15 Türkiyənin Enerji Bazarı Tənzimləmə İdarəsinə (EPDK) istinadən məlumat verir ki, 2022-ci ilin yanvar ayında zavod 767 385,504 ton neft idxal edib.

Məlumata görə, hesabat dövründə NEZ 415 313,019 ton neft məhsulları ixrac edib ki, bu da illik müqayisədə 11 dəfəyə yaxın çoxdur.

Əlavə etmək lazımdır ki, 2022-ci ilin müvafiq dövründə qeyd olunan göstərici 38 253,628 ton səviyyəsində olub.