“SOCAR Türkiye” və Sabancı Universiteti birgə layihəyə başlayıb

“SOCAR Türkiye” və Sabancı Universiteti hidrogen layihəsi üzərində işləyirlər.

Xəbər15 Türkiyə mətbuatına istinadla xəbər verir ki, “SOCAR Türkiye” Elmi Tədqiqat və İnnovasiya Mərkəzi Sabancı Universiteti ilə birgə yaşıl hidrogen istehsalı məqsədilə tərkibində yeni nəsil mürəkkəb katalizatorlar olan unikal elektrodlar hazırlamağı planlaşdırır.

Avropa İttifaqının 2050-ci ilədək istixana tullantılarının sıfırlanması üzrə məqsədlərinə çatmaq üçün daha perspektiv yanacaq hidrogendir. “SOCAR Türkiye” və Sabancı Universiteti tərəfindən başladılmış tədqiqatlar bu sahəyə töhfə vermək məqsədi daşıyır.