“Sumqayıt”ın sabiq futbolçusu mövsümün sonunda Türkiyəyə yollanacaq

“Sumqayıt”ın sabiq futbolçusu Araz Abdullayev hələ də klubsuzdur.

Xəbər15 məlumat verir ki, hazırda fərdi olaraq məşq edən yarımmüdafiəçi mövsümün sonunu gözləyir. Həmin vaxt o, Türkiyəyə yollanmağı planlaşdırır. Türkiyə Birinci Liqası klublarından birinə keçməyi planlaşdıran millimizin sabiq üzvü hansı komandaya keçəcəyini hələ dəqiqləşdirməyib.

Xatırladaq ki, Samir Abasovun “Sumqayıt”a baş məşqçi təyin olunmasından dərhal sonra klub A.Abdullayevlə müqaviləni qarşılıqlı razılıq əsasında pozmuşdu.