Türkiyədən qayıdan könüllülərə diplomlar verildi

Ekologiya və Təbii Sərvətlər Nazirliyində (ETSN) Türkiyədə baş verən zəlzələdən zərərçəkənlərə yardım məqsədilə qardaş ölkəyə yollanmış və missiyasını başa vurmuş bir qrup könüllü ilə görüş keçirilib.

Nazirlikdən Xəbər15-ə verilən məlumata görə, zəlzələ bölgəsindən qayıtmış könüllülərlə keçirilən görüşdə ETSN-in rəsmi şəxsləri ölkənin ictimai-sosial həyatında aktiv iştirak edərək layiqli vətəndaş mövqeyi və fədakarlıq göstərdiklərinə görə gənclərə təşəkkür ediblər.

Görüşün sonunda könüllü gənclərimizə Türkiyə Respublikasında baş vermiş zəlzələ fəsadlarının aradan qaldırılmasında fəal iştiraklarına görə Təbii Sərvətlər və Ekologiya İşçiləri Həmkarlar İttifaqı tərəfindən Fəxri diplomlar təqdim edilib.