Türkiyənin müdafiə naziri: Zəngəzur dəhlizinin açılması heç bir ölkəyə təhlükə yaratmır

Zəngəzur dəhlizinin açılması heç bir ölkə üçün təhlükə yaratmır. Əksinə, bu, regional əməkdaşlığa, sabitliyə və inkişafa təkan verəcək.

Xəbər15 məlumat verir ki, bu fikirləri Türkiyənin milli müdafiə naziri Hulusi Akar “TRT World”da dərc olunan “Qafqaz regionu: sülh və sabitlik üçün unikal imkan” sərlövhəli məqaləsində yazıb.

O xatırladıb ki, rəsmi İrəvan Azərbaycan, Rusiya və Ermənistan liderlərinin imzaladıqları üçtərəfli sənədə əsasən kommunikasiya əlaqələrinin açılmasını qəbul edib: “Qarşılıqlı olaraq, Zəngəzur və Laçın yolunun açılması iki ölkə arasında sülhün və əməkdaşlığın təmin olunması istiqamətində mühüm addım olar”.