YAP nümayəndə heyəti Kahramanmaraşda dağıntılara məruz qalmış “Azərbaycan bulvarı”nda olublar

Yeni Azərbaycan Partiyasının nümayəndə heyəti Türkiyə Respublikasında səfərdədir.

Partiyadan Xəbər15-ə bildirilib ki, səfər çərçivəsində YAP nümayəndə heyəti Kahramanmaraşda dəhşətli zəlzələ zamanı böyük dağıntılara məruz qalmış Azərbaycan bulvarı adlı yaşayış ərazisini ziyarət ediblər.

Məlumat üçün bildirək ki, dağıdıcı zəlzələ zamanı bu şəhərdə 12 min 748 insan ölüb. Zəlzələdən sonra aparılmış yoxlamalar zamanı aydınlaşdırılıb ki, son 20 il ərzində dövlət tərəfindən inşa edilmiş binaların heç biri təbii fəlakət zamanı zərər çəkməyib. Onu da əlavə edək ki, Türkiyədə baş vermiş dəhşətli zəlzələnin ağır nəticələri ilə əlaqədar Azərbaycan dövləti tərəfindən Sütçü İmam Üniversitesinin ərazisində 1500 çadır qurulub.