283 nömrəli tam orta məktəbdə Ümummilli Lider Heydər Əliyevin xatirəsi anılıb

Mayın 11-də Bakı şəhəri, Binəqədi rayonu 283 nömrəli tam orta məktəbdə Ümummilli Lider Heydər Əliyevin 100 illik yubileyinə həsr olunmuş “Əbədi ömrün 100 ili” adlı tədbir keçirilib.

Xəbər15 məlumat verir ki, tədbirdə Yeni Azərbaycan Partiyası Binəqədi Rayon Təşkilatının sədri Vüsal İsmayılov, Binəqədi Rayon İcra hakiminin müavini Sevinc Süleymanova, Azərbaycan Ağsaqqallar Şurasının Rəyasət Heyətinin üzvü, Binəqədi Rayon Ağsaqqallar Şurasının sədri, əməkdar hüquqşünas, 3-cü dərəcəli Ədliyyə müşaviri general-mayor Akif Rəfiyev, Bakı Şəhəri üzrə Təhsil İdarəsinin Məktəbdənkənar fəaliyyətlərin təşkili sektorunun müdiri Günay Qurbanova, xüsusi təyinatlı dəstənin şəhid kapitanı Nurlan Mustafayevin anası Rəhilə Mustafayeva, şəhid polkovnik Ruslan Tağıyevin həyat yoldaşı Günay Tağıyeva, Təlimə Dəstək Mərkəzinin direktoru Fərzəliyeva Minarə, 115, 276 və 126 nömrəli məktəbin direktorları, valideynlər, 283 nömrəli tam orta məktəbin müəllim və şagird heyəti iştirak edirdi.

Əvvəlcə Azərbaycan Respublikasının Dövlət Himni səsləndirildi.

Tədbiri giriş sözü ilə açan 283 nömrəli tam orta məktəbin direktoru Sevinc Musayeva bildirib ki, Ümummilli Lider Heydər Əliyev müasir dünya tarixində parlaq və silinməz iz qoyub.

Məktəb direktoru Ümummilli Lider Heydər Əliyevin keçdiyi şərəfli ömür yolunun gələcək nəsillər üçün örnək olduğunu qeyd edib, Ulu Öndərin təhsil sahəsində misilsiz xidmətlərindən danışıb.

YAP Binəqədi Rayon Təşkilatının sədri Vüsal İsmayılov, Binəqədi Rayon İcra hakiminin müavini Sevinc Süleymanova, Binəqədi Rayon Ağsaqqallar Şurasının sədri Akif Rəfiyev, Məktəbdənkənar fəaliyyətlərin təşkili sektorunun müdiri Günay Qurbanova və digərləri Ümummilli Lider Heydər Əliyevin mənalı həyat yoluna nəzər salıb, keçirilən tədbirin əhəmiyyətindən bəhs edib, bu cür tədbirin təşkilinə görə təşəkkürlərini bildiriblər.

Sonra məktəbin şagirdlərinin iştirakı ilə Ulu Öndər Heydər Əliyevin həyat və fəaliyyətini əks etdirən kompozisiyalar nümayiş olundu.