Mirzə Ələkbər Sabirin “Hophopnamə”si Türkiyədə nəşr olunacaq

İnqilabi demokratik satiranın yaradıcısı, görkəmli Azərbaycan satirik şairi Mirzə Ələkbər Sabirin “Hophopnamə” adlı seçmə satirik şeirlər toplusu Türkiyədə nəşr olunacaq.

Xəbər15 bildirir ki, bu barədə “Türkiyə İş Bankı” Nəşrlər Evi özünün “Twitter“ hesabında məlumat yayıb.

Nəşriyyat sözügedən nəşrin kütləvi olacağını, həmçinin bu yaxınlarla yayımlanacağını qeyd edib.

Şeirləri Azərbaycan dilindən Türkiyə türkcəsinə çevirən isə İsa Öztürkdür.