Türkiyədən Azərbaycana xalça ixracı 30 %-ə yaxın azalıb

2024-cü ilin yanvar-aprel aylarında Türkiyədən Azərbaycana 2 milyon 338 min ABŞ dolları dəyərində xalça məhsulları ixrac olunub.

Xəbər15 Türkiyə İxracatçılar Məclisinə istinadən məlumat verir ki, bu, ötən ilin müvafiq dövrünə nisbətən 29,8 % azdır.

Həmçinin cari ilin aprelində Türkiyədən ölkəmizə gətirilən xalçanın dəyəri 678 min ABŞ dolları olub ki, bu da keçən ilin eyni dövrü ilə müqayisədə 30,3 % azalma deməkdir.