Aqrar Sığorta Fondu ilə TARSİM arasında əməkdaşlıq genişləndirilir

Oktyabrın 2-də Azərbaycanın Aqrar Sığorta Fondu və Türkiyənin Kənd Təsərrüfatı Sığortaları sisteminin (TARSİM) rəhbərliyi arasında görüş keçirilib.

Xəbər15 məlumat verir ki, görüşdə TARSİM ilə Aqrar Sığorta Fondu arasında əməkdaşlığın genişləndirilməsi, işğaldan azad olunan ərazilərin inkişafında aqrar sığortanın rolu, aqrar sığorta mexanizmi üzrə Azərbaycan təcrübəsinin digər ölkələrdə tətbiqi məsələləri müzakirə edilib.

Bildirilib ki, səfər zamanı oktyabrın 4-də Gəncədə Azərbaycan Dövlət Aqrar Universitetində “Azərbaycanda kənd təsərrüfatında aqrar sığortanın tətbiqi və perspektivləri” mövzusunda tədbir keçiriləcək.