Gələn ay Türkiyə-Azərbaycan biznes forumu keçiriləcək

Mayın 8-də Ankarada Türkiyə-Azərbaycan biznes forumu keçiriləcək.

Xəbər15 məlumat verir ki, biznes forum Azərbaycan İqtisadiyyat Nazirliyi, İxracın və İnvestisiyaların Təşviqi Agentliyinin (AZPROMO) dəstəyi, Türkiyәnin Xarici İqtisadi Əlaqələr Qurumu (DEİK) və Türkiyə Palatalar və Birjalar Birliyinin (TOBB) birgə təşkilatçılığı ilə baş tutacaq.

Tədbirdə hər iki ölkənin dövlət sektorunun təmsilçiləri, eləcə də iqtisadiyyatın müxtəlif sahələrində fəaliyyət göstərən sahibkarlar iştirak edəcək.

Biznes forumda Azərbaycan sahibkarları iştirak edə bilərlər.