Nazir rəqəmsal siyasətlə bağlı dövlətin strategiyasını açıqlayıb

Azərbaycanın rəqəmsal siyasətlə bağlı, innovasiyalarla bağlı növbəti illər üçün strategiyası açıqlanıb.
Xəbər15 məlumat verir ki, bu barədə bu gün Bakıda keçirilən “Azərbaycan Insurtech Zirvəsi”ndə rəqəmsal inkişaf və nəqliyyat naziri Rəşad Nəbiyev deyib.
O bildirib ki, dövlətin strategiyası 3 əsas istiqamət üzərində qurulub: “Bunlara elektron hökumətin təkmilləşdirilməsi, datanın bizneslər üçün əlçatan olması daxildir. Həmçinin rəqəmsal cəmiyyətin formalaşdırılması da əsas strategiyalardandır ki, bu da dövlət-biznes, cəmiyyət-biznes arasındakı əlaqələrin daha uğurlu tənzimlənməsinə imkan verəcək”.